गृह मन्त्रालयले ६ जना सहसचिवहरुको सरुवा गरेको छ । गृहमन्त्री रमेश लेखकस्तरीय निर्णयबाट ती सहसचिवहरुको सरुवा भएको हो । गृहले गरेको सरुवामा चार जिल्लाका प्रमुख जिल्ला अधिकारीहरु परिवर्तन भएका छन् ।
बिज्ञापन
गृह मन्त्रालयका बर्दियाकी प्रमुख जिल्ला अधिकारी रुद्रादेवी शर्मालाई सरुवा गरेर कास्की पठाइएको छ । केही महिना अगाडि कास्की पुगेका भरतमणि पाण्डेलाई मन्त्रालयमा तानिएका छन् । यस्तै,गृहको बरण्डामा रहेका सुरेन्द्र पौडेललाई बर्दियाको प्रमुख जिल्ला अधिकारीको जिम्मेवारी पाएका छन् भने शंकरहरि शर्मालाई धनुषाको प्रमुख जिल्ला अधिकारीको जिम्मेवारी पाउँदा रामुराज कडरीया त्यहाँबाट मन्त्रालयमा तानिएको छ ।
बिज्ञापन
यस अघि नवलपरासीको प्रमुख जिल्ला अधिकारी रहेर लामो समय करण्डामा थन्काइएका अरुण पोखरेललाई पाँचथरको प्रमुख जिल्ला अधिकारी बनाएर खटाइएको छ ।
प्रधानमन्त्री तथा मन्त्रिपरिषद्को कार्यालयले तीन दिनभित्र अतिरिक्त समूहमा रहेका कर्मचारीलाई जिम्मेवारी दिएर खटाउन परिपत्र गरेसँगै मन्त्रालयले गृहका बरण्डामा रहेका सहसचिव र शाखा अधिकृतहरुलाई जिम्मेवारी दिएर खटाएको हो ।गृहले अतिरिक्त समूहमा रहेका चार सहसचिवको व्यवस्थापन गर्दा २ सहसचिव फेरि बरण्डामै (अतिरिक्त समूह) तानिएका छन् ।
बिज्ञापन
